Tuesday, October 30, 2007
WILDFIRES IN CALIFORNIA (CALIFORNIA AH MEII LEH KAAT TUNG)
- S. Thangboi Zou
NEHU Campus, Shillong
“I looked outside my house and I thought I was in the middle of HELL!!!.” (Joe Wronowicz, Rancho Cucamonga resident)
California state akichi chieng in atangpiin Hollywood Los Angeles khopi a um khu ilung ah ahing kilou masa pen hi. ‘Muonna leh bitna um e na chi laitah un natung uah sietna ahing tung ding’ chia Bible in agen dandeu in tam State miten zong agintat phahlou lai un October 21, 2007 ni in atung uah thakhat in mei leh kaat hing kuong in agam uh acre 500,000 (nuoi nga) sanga tamzaw leh inn 5,500 val kangtum dimdem a, mi 14 shi a tualeh mi 15,000 val in innmun-loumun taisan uhi.
Tam gammang-meileng(wildfire) bang hingchi kipat e chi thei chien chet hisih nanleh, Oct. ni 20 (Kiginni) a gamvah khat gammangh in alawite signal pieh nadinga mei adetkuong ahileh agam a huihat zieha akim-apam teng man/pe a, meikuong lien hing suoh dan in kigen hi. Tam gam-mei khu Cedar Mei zong kichi a, San Diego county a hing kipan ahia, tami khokimvel ha suhsiet pen hi. Agam a National Football League tu leh tu a um nasan zong Arizona State ah kituon vawt hi.
Oct. 24, 2007 Sepkiani apat in hui leh meikuong kithuo hat mama in south California a ziel den a, tampen silsuimiten agam leitang, hampa leh singte agaw seng leh huinung ahat seng zieh ahi dan gen uhi. California gam khu eilang bang lou a U.S gam ading a climate chi tuom vilvel nei ahi. Tuakhu Mediterranean Climate kichi hi. Tuhun khu amau ua din gamgaw hun ahia, eilam a March-April ha gamgaw leh huilan hun bang chet ahi. Tualeh, December chieng in guotui ake zing hi.
Kho-gaw/gamgaw leh huigaw chikhat Santa Ana Winds kichi toh ang kithuo chieng un meikuong hatsah mama a, feet 100 val a sang(high) in meikuong kileh vapuol zou hi. Tam meikuong in amun atuom jel bang in mintuom nei a: Cedar Fire, Old Fire leh Grand Prix Fire chin kiminvaw vate hi. Cedar Fire pen kum 2003 in natung zou ta a, California tanchin adia meikuong nasah pen ana hi dan hi. Kum 4 zou chet tukum in hing tung kia hi. Mallam a Simi Valley (Ventura county) apat simlam a San Barnardino leh suolam a San Diego county tan sung meikuong in ahal tum dimdem hi.
Meikuong suol pawl (fire fighters) mi 800 val in in theitawp in lei lam pan leh vanlam apat Helicopter zang in sumit tum nan ulehzong 20% vel chouh aphel zou giep uhi. Mitamtah meiphel ding in kipumpieh uhi. Sharon Robinson kichipan “kum 35 vingveng ka inn uah kana khosa ua, kumchin in meikuong in gam-mong tan a’ng pha zing a inntan hing tung ding pen kana gingta kha vawt sih uh” chiin agintatlou tah a sil tung ahi dan gen hi. Wronowicz kichipan amangbat dan gen uong mama a “ka inn pulam uh thakhat in ka en a, Meidil li-lai a um ka’ta de aw.. kachi man hi” chi keei hi.
President Bush in tam gamteng ‘suh siet a um’ (disaster area) ahi chiin puong a, panpina mipite leh a govt. pepai ngal ding ahi dan gen hi. US Govt in pan nasah tah a alah dan pen eigam toh kikhe mama a, media(tanchin saipawl) ten zong patat na lientah pie ua, “Ahi… hichi ding ma hie… bawlhoi uchie…(‘how to do things right’) chi uhi. “Meilipi phel ding in kang panpi ding ua, tuamai hilou in, tam vangsietna naphuh pailet zou nading uleh maban a na hinkhuo uh nalam zou kia na ding un ka hing panpi ding hi” chiin Bush in amite chiem hi. Eigam ah solkar in athu in hingchiem nanleh, atahsuona hun in koima kiel alap man sih hi. “Mipiten maban ah ni hoizaw a um hi chi athei ding uh deisah ing – tunin ihinkhuo uh genthei nanleh, zing chieng ni hoizaw hing suoh ding hi” chi henem na thu gen hi.
Climate expert ten tam meikuong khu Global warming (Vannei Lumna) zieh ahi chin ngaw uhi. Global warming in gamgaw hun sausah deu deu a, tuaziehin meikuong jauhuoi sem maban ah hing tung thei ding in gingta uhi. “Tam meikuong apat in Climate Change ‘gimnamtui’ ing chiem pan nabou uh khuh..” chiin San Diego State University a Biology Professor, W. Oechel kichipan eng gen hi. Hinanleh global warming zieh ahi pumping sih chia niel kal pawl tam veve hi.
Abangpen a hing kipan hita leh, tam silting in lunggeel khat ahing guon hi. Bible ah Sodom & Gomora khopi tangthu itheichiet ding uh gintat ahuoi hi. U.S gam adieh in California State Sodom-Gomora toh bang akikhietna a um ei? Oleh, amaute sang in zong huoise mama zaw ta ding uoi? Khovel a numei-pasal thangtatna huoise pen, porn/blue movies kikapna munlienpen, numei & numei (lesbianism) leh pasal & pasal (gay couple) kipawlna uong pen (5.2% of the population) khu California State ahi. Californiate bang hituom la? Eite zong 1990s lai in I gam(CCPur) uah tuol-gal natung a, meii leh kaat in ‘baptised’ ina tang ua itum bei phiel uhi. Maban izop sawt ule…!!! Californiate neepte.
Sources: www.cnn.com/2003/US/West/10/26/california.wildfire/index.html
46kwww.esri.com/disaster_response/sbfires071506.html
http://opinion.inquirer.net/inquireropinion/columns/view_article.php?article_id=97083
http://english.aljazeera.net/NR/exeres/5D1DBB22-7F91
http://en.wikipedia.org/wiki/Gay_village
NEHU Campus, Shillong
“I looked outside my house and I thought I was in the middle of HELL!!!.” (Joe Wronowicz, Rancho Cucamonga resident)
California state akichi chieng in atangpiin Hollywood Los Angeles khopi a um khu ilung ah ahing kilou masa pen hi. ‘Muonna leh bitna um e na chi laitah un natung uah sietna ahing tung ding’ chia Bible in agen dandeu in tam State miten zong agintat phahlou lai un October 21, 2007 ni in atung uah thakhat in mei leh kaat hing kuong in agam uh acre 500,000 (nuoi nga) sanga tamzaw leh inn 5,500 val kangtum dimdem a, mi 14 shi a tualeh mi 15,000 val in innmun-loumun taisan uhi.
Tam gammang-meileng(wildfire) bang hingchi kipat e chi thei chien chet hisih nanleh, Oct. ni 20 (Kiginni) a gamvah khat gammangh in alawite signal pieh nadinga mei adetkuong ahileh agam a huihat zieha akim-apam teng man/pe a, meikuong lien hing suoh dan in kigen hi. Tam gam-mei khu Cedar Mei zong kichi a, San Diego county a hing kipan ahia, tami khokimvel ha suhsiet pen hi. Agam a National Football League tu leh tu a um nasan zong Arizona State ah kituon vawt hi.
Oct. 24, 2007 Sepkiani apat in hui leh meikuong kithuo hat mama in south California a ziel den a, tampen silsuimiten agam leitang, hampa leh singte agaw seng leh huinung ahat seng zieh ahi dan gen uhi. California gam khu eilang bang lou a U.S gam ading a climate chi tuom vilvel nei ahi. Tuakhu Mediterranean Climate kichi hi. Tuhun khu amau ua din gamgaw hun ahia, eilam a March-April ha gamgaw leh huilan hun bang chet ahi. Tualeh, December chieng in guotui ake zing hi.
Kho-gaw/gamgaw leh huigaw chikhat Santa Ana Winds kichi toh ang kithuo chieng un meikuong hatsah mama a, feet 100 val a sang(high) in meikuong kileh vapuol zou hi. Tam meikuong in amun atuom jel bang in mintuom nei a: Cedar Fire, Old Fire leh Grand Prix Fire chin kiminvaw vate hi. Cedar Fire pen kum 2003 in natung zou ta a, California tanchin adia meikuong nasah pen ana hi dan hi. Kum 4 zou chet tukum in hing tung kia hi. Mallam a Simi Valley (Ventura county) apat simlam a San Barnardino leh suolam a San Diego county tan sung meikuong in ahal tum dimdem hi.
Meikuong suol pawl (fire fighters) mi 800 val in in theitawp in lei lam pan leh vanlam apat Helicopter zang in sumit tum nan ulehzong 20% vel chouh aphel zou giep uhi. Mitamtah meiphel ding in kipumpieh uhi. Sharon Robinson kichipan “kum 35 vingveng ka inn uah kana khosa ua, kumchin in meikuong in gam-mong tan a’ng pha zing a inntan hing tung ding pen kana gingta kha vawt sih uh” chiin agintatlou tah a sil tung ahi dan gen hi. Wronowicz kichipan amangbat dan gen uong mama a “ka inn pulam uh thakhat in ka en a, Meidil li-lai a um ka’ta de aw.. kachi man hi” chi keei hi.
President Bush in tam gamteng ‘suh siet a um’ (disaster area) ahi chiin puong a, panpina mipite leh a govt. pepai ngal ding ahi dan gen hi. US Govt in pan nasah tah a alah dan pen eigam toh kikhe mama a, media(tanchin saipawl) ten zong patat na lientah pie ua, “Ahi… hichi ding ma hie… bawlhoi uchie…(‘how to do things right’) chi uhi. “Meilipi phel ding in kang panpi ding ua, tuamai hilou in, tam vangsietna naphuh pailet zou nading uleh maban a na hinkhuo uh nalam zou kia na ding un ka hing panpi ding hi” chiin Bush in amite chiem hi. Eigam ah solkar in athu in hingchiem nanleh, atahsuona hun in koima kiel alap man sih hi. “Mipiten maban ah ni hoizaw a um hi chi athei ding uh deisah ing – tunin ihinkhuo uh genthei nanleh, zing chieng ni hoizaw hing suoh ding hi” chi henem na thu gen hi.
Climate expert ten tam meikuong khu Global warming (Vannei Lumna) zieh ahi chin ngaw uhi. Global warming in gamgaw hun sausah deu deu a, tuaziehin meikuong jauhuoi sem maban ah hing tung thei ding in gingta uhi. “Tam meikuong apat in Climate Change ‘gimnamtui’ ing chiem pan nabou uh khuh..” chiin San Diego State University a Biology Professor, W. Oechel kichipan eng gen hi. Hinanleh global warming zieh ahi pumping sih chia niel kal pawl tam veve hi.
Abangpen a hing kipan hita leh, tam silting in lunggeel khat ahing guon hi. Bible ah Sodom & Gomora khopi tangthu itheichiet ding uh gintat ahuoi hi. U.S gam adieh in California State Sodom-Gomora toh bang akikhietna a um ei? Oleh, amaute sang in zong huoise mama zaw ta ding uoi? Khovel a numei-pasal thangtatna huoise pen, porn/blue movies kikapna munlienpen, numei & numei (lesbianism) leh pasal & pasal (gay couple) kipawlna uong pen (5.2% of the population) khu California State ahi. Californiate bang hituom la? Eite zong 1990s lai in I gam(CCPur) uah tuol-gal natung a, meii leh kaat in ‘baptised’ ina tang ua itum bei phiel uhi. Maban izop sawt ule…!!! Californiate neepte.
Sources: www.cnn.com/2003/US/West/10/26/california.wildfire/index.html
46kwww.esri.com/disaster_response/sbfires071506.html
http://opinion.inquirer.net/inquireropinion/columns/view_article.php?article_id=97083
http://english.aljazeera.net/NR/exeres/5D1DBB22-7F91
http://en.wikipedia.org/wiki/Gay_village
Subscribe to:
Post Comments (Atom)
Posts
No comments:
Post a Comment