Sunday, October 28, 2007
U.S Campus ah Kithana Mulkimhuoi
- S. Thangboi Zou, Shillong.
Tuolthana eigam maimai a um amah ichi lai in khovela gam hausa leh thupi penpen United States ah zong tung ve sam hi. April 16, 2007 zingkal nai 7:15A.M vel in US gama university minthang lawikhat a kithei Virginia Tech University, Deptt. of Environmental Engineering ah, Cho Seung Hui South Koreami(US citizen hi), 4th year English-Honour kum 23 a upa pasal khat in, atawilai pistol toh atuoh phapha ban mehlup ziahziah tamai hi. Mishi agawm in 32 pha a atawpna ah ama leh ama zong kikap lup be nalai seet hi. Misi lah a professor 3 tel ua, tuate lah a Indiami khat tel a, ama ahileh Prof. Loganathan South Indiami khat, tam university a kum 15 ana semta ahi. Tamthu in US gam mai hilou in khovel gam buppi zong suliing a, sillamdangte laha chiemte tham khat ching hi. President George W Bush in zong khosahna leh demna thu puong hi.
Tuolthana eigam maimai a um amah ichi lai in khovela gam hausa leh thupi penpen United States ah zong tung ve sam hi. April 16, 2007 zingkal nai 7:15A.M vel in US gama university minthang lawikhat a kithei Virginia Tech University, Deptt. of Environmental Engineering ah, Cho Seung Hui South Koreami(US citizen hi), 4th year English-Honour kum 23 a upa pasal khat in, atawilai pistol toh atuoh phapha ban mehlup ziahziah tamai hi. Mishi agawm in 32 pha a atawpna ah ama leh ama zong kikap lup be nalai seet hi. Misi lah a professor 3 tel ua, tuate lah a Indiami khat tel a, ama ahileh Prof. Loganathan South Indiami khat, tam university a kum 15 ana semta ahi. Tamthu in US gam mai hilou in khovel gam buppi zong suliing a, sillamdangte laha chiemte tham khat ching hi. President George W Bush in zong khosahna leh demna thu puong hi.
Cho Seung thei khaten agendan un, ama ahileh mikhattang, lawi zong pawllou a hinkho mang zing khat ahi chi uhi.. USA gampen eilang bang lou in koipou in galvan kileithei/kineithei ahia, private sector galvanlam bawl leh zuo atam mama a, aleinopdan pen eilam a ‘candle’ lei toh kibang ahi chi hiel uhi. Cho in zong March ha in 9mm pistol khat na kilei khah dan ahi. Agam parliament a senator John Mc Cain in Virginia khopi ah tambang kithana tungta nanleh agam dan(constitution) pen kiheng tuom lou ding ahi dan gen hi. Aman agenbe na ah “tambang siltung pen itheisiem ua, idanpen uh kilamdanglou dinga, hinanleh tabang galvan pen migiloute khut ah lut sah nawnlou ding….. dan zui nuom mite bou pieh jel ding ahi” chi hi.
Hunpeisa USA ah tabanga mihing lungsim lam buoi phut, ngoltat a mi atuoh phapha kaplum ek-ek chi ana um ngai tham hi.
1. August 1,1966 in Charles Whitman kichipan Texas khopi a innsawng vum apat in athau in mi bankap lia zungzung a mi 15 shi a 31 liem hi. Aman azani zan(night before) in azi leh anu zong ana kaplum masa zou hi.
2. October 1989 in Montreal University ah Marc Lepin kichipan numei mi 14 kaplum hi.
3. 1991 in George Hennard in Texas a restaurant sung khat ah mi 20 val ana that kia hi.
4. 1995 kum in Oklahoma khopi ah Timothy Mc Veigh in bomb zang in mipi tampi hinna ana la hi.
5. Tuabanah, 1999 April ha in khanglai pasal 2 – Eric Harris leh Dylan Khebold ten thau leh bomb toh Columbine High School Colorado a akai khawmpi uh mi 12 ana that uhi.
1. August 1,1966 in Charles Whitman kichipan Texas khopi a innsawng vum apat in athau in mi bankap lia zungzung a mi 15 shi a 31 liem hi. Aman azani zan(night before) in azi leh anu zong ana kaplum masa zou hi.
2. October 1989 in Montreal University ah Marc Lepin kichipan numei mi 14 kaplum hi.
3. 1991 in George Hennard in Texas a restaurant sung khat ah mi 20 val ana that kia hi.
4. 1995 kum in Oklahoma khopi ah Timothy Mc Veigh in bomb zang in mipi tampi hinna ana la hi.
5. Tuabanah, 1999 April ha in khanglai pasal 2 – Eric Harris leh Dylan Khebold ten thau leh bomb toh Columbine High School Colorado a akai khawmpi uh mi 12 ana that uhi.
Tambanga lungsim lam buoina nei (psychic)mihing hinna mawh lala te pen azieh um hiin sui khie uhi. Mr. James Alan Fox, Northeastern University Boston a criminal justice pan asuina ah, tambang mite pen mi-beidong (frustrated) leh mikhattang(loner)te ahi ua, lawsapna chituomtuom aneite uh midangte tung ah atut ua, phuba lah utna in kidim uhi chiin gen hi. Lawsam leh guollel kisa ua, phututna ding alei hawl dan uh ahi. Mi lungsietna bei keei a atha chieng un ama un nuom sa mawh dan un kigen hi. Cho Seung hindan ah zong thakhat thu a sillamdang leh kihenna ana tung dan ahi. A roommate pa Joseph in news saite kung a agen na ah Cho khu mihamtam lou, mipawlnopmi hilou ahi chi hi. “Nidanga zingkal nai 7 banga jingthou hinapiin tulaiteng nai 5:30 bang in athou zing a….. kahoupi chieng in kadohna teng mai ang dawng jela kamaitang zong ang en ngai sih” achi hi.
Tunitan in zong US gam ah kumkhat sung in thau ma(wound) a shi mi asiing val um chi uhi. Researcherten asuina uah international market te a galvan kizuo atam seng ta zieh in khovela mihing shi pen galpi a si saaang in galvan neu toh tabang a si mihing tamzaw in gen uhi. Tam buoina pen leitung gam ten a lungkhampi khat ahi tahi. Eigam ah galvan leitheina ‘licence’ solkar in hing pesih nanleh anei leh atawi pawl kitam veve hi.
Tambang sil mulkinhuoi atung zieh in South korea gam ah amiten nopmaw ana sa ua, da leh jum thuo in kisuonla na in dim uhi. April 18 ni in Seoul khopi(South Korea) a US Embassy mai ah papi hunkhop khat in laipeh (placard) a kigiel “Deepest Regret, Your Sorrow is Ours” chi tawi kawm in mishite sunna vanei ua mitsing pum in sawt tah vading uhi.
Alamdang khat ahileh Cho Seung Hui in amasapen in 16 April zingkal lam in mi 2 kaplum masa a, tuajou in khawl phot in, video a alim leh athugente post office apat in NBC newste kunga tung ding in vathot khie hi. Video ah bangzieha tambang nna asep ahiei chi tahlang hi. Tuazou in class roomte ah kinuole in mi 30 kaplum kia hi. Alimlahte khaat ah pistol in camera ngiim a khutkhat lam ah sehta(hammer) tawi in thugen hi. Athugenna khat ah “Nang in tunia siltungte napel theina ding hunlem billion zakhat nanei a, hinanleh kasisan kibuotsah ding in thutanna nabawl ta. Aning tawng ah nang neh lut(nang tuombawl) a, teel ding khatmai toh na hing nusie hi. Thutanna nakhut sung ah aum a tu in nakhutte ah sisan abangta, nasilsieng zou nawn sih ding!!!” chi hi. Cho in video a limte niguh (6days)masanga ana khum zou dan ahita a, nanleh koiman ana thei pha lou uhi. Korea film minthang ‘award’ zong namu ngai “OldBoy” kichi, phubalahna leh tuolthana huoisie tahmai tangthu umdan toh kibang mama hiin gen uhi.
Asiltup(manifesto) teng genzawna ahileh seppatni zingkal in bawl zou a, Emily Hischer (19) leh Ryan Clark(22)te Johnstone Residence Hall ah kaplum hi. Tuazou in Norris Hall teaching block a thauging kia pen toh dahkal 2 kihal hi. Police ten vadelpai sam ua hinanleh koipen kap ahiei chi thei zou lou uhi. Miss.Hilcher ngaizawnpa khu thaulam a lung lut mama mikhat ahijieh in ginmaw na toh va mawh mat uhi. Hinanleh tuahun in tuolthattu akiim veel ua um ahilam koiman athei pha vawt sih uhi.
Cho in video record ah sakhuo leh mihausate dem hi. Mihausatate toh nichina hun zah khawm, kisuhkhaah leh kituoh zing chimtah ahidan zong tahlang hi. Alimlah khat ah namta zong tawi a, tualeh ama-le-ama lutang thau in ngim hi. Student dangten tambang lim amu chieng un chizaat-luzaat na in dim ua, aham-aphun umlou leh mitphelou keei in TV mai ah tou uhi.
Source: Times of India, The Telegraph, Guardian
Source: Times of India, The Telegraph, Guardian
Subscribe to:
Post Comments (Atom)
Posts
No comments:
Post a Comment