THANGBOI ZOU ARCHIVES

Motto: For God and the Community

October ni 7, 2005 ni in Zou Sangnaupang Pawlpi, Shillong in Shillonga Zouta aneu alien ateh akhang huom in " a 22 veina Meltha Vaidawnna leh Kumsim Khawmpi" loupi tah in Parish Hall, Nongshilliang ah kizang hi. Tuami niin Zouta leh midang uleh nau hing pei khawm agawm in mipi 400 vel hiding a thei ahi.

Tam pen Shillonga Zouta te adia kum 2 zoua hing um kia pan bep ahi ziah in mipiten anuom thei bang pen in aki zang hi.Tuahun ah, Hon'ble functional President Pu Haukhanpau in thugenna tomkim leh manpha tah nei in ZSP Shillongte apanpina in dangka themkhat pia hi. KALAISAI!!!!

Tuaban ah, Hon'ble Guest of Honour Pu Guochinlian a'ng pei theilou ziah in a lawinu Pi Lhainei in amun luo hi. Amanu'n zong thugenna loupi tah nei in inam kipum khat na ding in lungsim kochiih, ngaidan hoilou, be leh phunga kulmuutna leh adg.te zou sia ipai mang hun ahita chi thu mipite laha kum hi. Aman agen be na ah "I Zou nam sunga kadeilou leh kathuoh theilou khat ahileh, lamkai lubawh deu deu pi in lung neu puoa inam sunga kikhentheina kampau hoilou 'amapa Zou tah tah zong hiou, a Thangkhal ham, aKhuangnung ham, Zou hinan leh aThado ham hibou, khumte khumloute hibou leh adg..'chite zousia kazah chim tahi. Lamkaite ham dingin sil zumhuoi tawp leh hoilou tawp in kathei hi. Tamte ziah in inam sunga mi lah lut tah saang in ikhiin mang belap zosop ta uhi. Tambang lung geel tua khang tha hiin khangluite hitalei zong ipaai mang hun ahita hi" achi khu chiemte tah khat ahi.

Tua banah amani nupa in zong ZSP(S) kithuopi naang in dangka bang zaat ahei khat pieh chiem hi.(A Pasal toh kihou ding).KALAISA!!!!Zinlianpen Chief Guest Pu Khamchinpau(Paunou) hing tel theisih nan leh ama tha taang in thu (message) hoi leh manpha pipi ang thot a, ZSP(S)panpina dingin dangka Rs. 1000/tah leh Education Information Book copy 100 val ang thot hi chi ama pana zah ahi man in ama tunga zong kipahna thu leh KALAISAI sam kia ahi.Zinlien te gel silpiehna nungah duong hoi leh melnal tah tah ten nei uhi.

Tamniin , Zou Cultural Troupe te apat in pu leh pa laam kilom tah etna um a, tuabanah ARC troupe te apat in zong thupitah in um kia sawn hi.Meritorious Awards hawm khiehna um a tualeh GOOD SAMARITAN AWARD leh Lifetime Achievement Award zong um hi.Tam teng laha gen tah deu in, Good Samaritan Award Mr. Alex Lalminlun piehin uma, aman ana peisa hun ah Mrs.Thongneipau damloua damdawi inn a ana umlai in asisan mantam tah iitlou keei in amanu hinna humbitna ding in ana pie hi. "Lifetime Achievement Award" pen Upa Haulam pieh in uma, aman bang chi laipoua ZSP(S)te dinga atha azung anei alam iitloua phaltaha akipieh zawzing (selfless service)zieha tam Award pieh ahi.

Zaidei awisiem tahtahte apatin lungleen laa hileh 'heavy'te ngai khietna um a, tualeh kipawlimna zaat tuom tuom- mall miss contest, dances, etc. te etna thupi zong um hi. Tua leh ZOHEISA Special Issue Editorial Boardte apat in zong um hi.Lamkaitha (2005-06)te kichiemna leh thungetpina zong um hi.Students' Orgn. danga memberten zong tam hun hing zoupi uhi.

Tami ni a hing pei khawmte zousia leh tam hun manna ding leh suhpichingna dia atha azung, anei alam, asum apai a hingna panpite zousia tungah ZSP(S)min in kipahthu gien sawnsawn uhi.Bangteng tungah iprogramme hing zousah tu Pasian kungah kipah thu genna Upa Haulam in nei in hun khah phot ahi tahi.(Inclusive of all the things left behind) PRAISE GOD!!!!! "FOR GOD AND THE COMMUNITY"

Pasian leh Nam adi'a naseppi uh,