Z O H E I S A

Sunday, October 28, 2007

Kithalawpna (Enthusiasm)

S. Thangboi Zou

“Tough time never last but tough people do”.

Enthusiasm(kithalopna) umlou in silmanpha bangma mu zou ding um ngailou hi. Lawsam dia zauna in kithalopna lungsim that lia thei hi. Miten bang ang gen ding uoi chia zauna in zong kithalopna beisah thei hi. Midangten nakinepna leh na lung tup thatlia sah sin. Khovel khu kinepna lienpi neite a ding ahia, tuajiah in kinepna lienpi toh hing jing in.

Lenna bawl khetu Wright te unau in asiltup uh khawllou a apeipi jel lai un apa uh Bishop Milton Wright in “ Lentheina kichi khu Angelte ading mai ahia, sil hilou leh jattuom tah ngaisutna khu khelna leh (Pasian)musitna (blasphemous) ahi” na chi hi. Hinanleh amau unauten atup uh khawl lou in apei pi teitei ua tuniin vanleng ah ituong dide thei ta uhi.

Sil suikhiet kichi khu mihing khat in a lunggelte kithalop tah a nnasep(action) a apeipi zieha hing um khethei pan ahi. Russian thupil khat in “The hummer shatters glass but forges steel (Sehta in glass khen jah nanleh tua glass pan in steel hing pieng thei hi)” chi hi. Buoina hasatna ten natunga lungkhamna sil angpuolut/tunsah tapouma khu nangma sung ah akinga masa pen hi – nang bang tobang mi na hiei – midengdel maw oleh steel banga tah maw??

Za-etna hasatna leh gimna ichiten ihinkhuo hing guoizaan sah a, hing siem tuoh ding leh hingha’l tah kia ding a hing tung ahi ua, ahing suchimit ding leh hing thatlia ding ahi lai zang sih uhi.

Bible ah Job in agim thuohna khu sum-eng mei a haltah bang in ngaisun hi. “Aman ahing etkhiet (hal) zou chieng in sana bang a tah leh chi hoi in kang pawt doh ding hi”. (Job. 23:10).

“All life depends on 90% how we react to situations, troubles and only 10% what we do. For a happy successful life, therefore, 90% of it depends on how we react or deal obstacles that come our way and our enthusiasm”.

Nisa mabang in guotui Pasian in ang pie a, kipahna bang in dana zong ang chiem hi. Damna leh natna te zong ang pekhawm jel hi. Ilampi ah khatveivei ling ana dim a, hinanleh khatvei chieng in pahvui ana kithe dim dem jel thei hi. Sunni tumtan a ding in hatna angpie a, ithagim tawldamna ding in zanhun angpie hi. Tuazieh in kithalop tah a ihing zing pou a, ikimuon jing pou leh hunchin in ilungtpna mun ijuon jing ding a atwapna ah Lawchinna inga thou thou ding hi. “He who doesn’t know how to give up ultimately succeeds”.

[Courtesy: ‘Constant Companion for Success’]